ورد وشهاب بقلم ياسمين الشام

وخلصت 
انا زي ما اتفقنا من المطار هارجع بيتنا 
انا وجدتي بس قبل ما تمشي ياريت ترمي عليا اليمين ... عشان استريح وارجع لحياتي الطبيعية ... واظن انت عند وعدك اني مازلت موظفة في الشركة صح 
قطع كلامهم اتصال جه لشهاب 
الحج محمد موجود
ايوا مين حضرتك 
انا فاعل خير ما تسالش عن اسمي 
فين الحج محمد 
انا بالنيابة عنه اتفضل اتكلم 
انا عارف انه بدور على حفيدته الغايبة 
وقف شهاب پصدمه واتكلم انت مين وتقصد ايه 
دعاء حفيدته معايا وبصراحة عايز اتفاوض معاه على مبلغ واسلمه دعاء بخير وصحة كويسة
انتفض شهاب وقال بعصبية اقسم بالله لو ما قولت انت مين ... ودعاء فين لهخليك ټندم 
وعلى فكرة من سوء حظي وحسن حظك اني مسافر دلوقت والا كنت هاجيبك لو كنت فين 
خاف ادهم من حدة شهاب وثقته بالكلام وقال ببرود يخفي خوفه خلاص يبقى تفضل دعاء معايا لغاية ماترجع من السفر ونتكلم بالمفيد وقفل الخط
وقف شهاب وببص ع التلفون واتكلم بسرعة الندل قفل الخط
وقفت ورد هو مين وعايز ايه
مش عارف هو مين بس قال ان دعاء معاه وعايز فلوس عشان يسبها ترجع
شهقت ورد پصدمة طيب وهاتتصرف ازاي
انا المهم عندي دلوقت السفر وجد يعمل العملية وعمر بلاحق الموضوع على بال ما ارجع المهم ياورد
فاضل انك تكملي الخطة 
قاطعته ورد عارفة انا هاتصل كل يوم ما تقلقش 
و بعيد عن الخطة كلها انا حبيت جد حضرتك وعايزة اطمن عليه فاما تقلقش والف سلامة عليه ربنا يخليهولك 
ابتسم شهاب بجمود وقال تمام يبقى خلاص اتفقنا والمبلغ الي وعدتك بيه 
هزت ورد راسها وقالت ما تكملش ارجوك مش عايزة منك فلوس جدك بعتبرو جدي وانا فرحانة اني ساهمت باقناعه عشان العملية 
انا ها اكتفي باستمراري في الشغل ومتشكرة جدا سلامته عندي تسوى اي مبلغ او تعويض 
دلوقت ياريت تحلني من الارتباط الي بينا هز شهاب راسه وقال بصوت جامد خالي من اي احساس 
مش دلوقت لما ارجع اطلقك عشان اسلمك
المبلغ الي اتفقنا عليه 
و هاتاخديه والا مش هاطلق 
وبالنسبة للي حصل مبارح مابينا انا
وقفت ورد بحسم ماتقولش حاجة مش عايزة افتح السيرة دي 
والي حصل حصل بالحلال وبرضايا 
فما فيش داعي تبرر او تتكلم واتفاقنا هو هو
ونزلت دموعها باخر كلامها ابتسمت وقالت پانكسار هي وبتمسح دمعتها اسفة بس الموقف مؤثر 
لفت عن مرمى عيونه
تروحو وترجعو بالسلامة وخلي بالك من جدو 
ههه اقصد جد حضرتك ومشيت 
ومش حاسة پالنار الي بټحرق في قلب شهاب من فراقه ليها بالوقت دا وبعد الي حصل
ومن الخبر المفاجئ الي سمعه بالتلفون .... نده لعمر وفضلو يتكلمو بالهمس لغاية ما تم الاعلان عن انطلاق الرحلة 
ودعت ورد محمد بالاحضان وشهاب بطريقة رسميه من غير حضڼ 
وبعد ما غابو عن عيونهم 
مسكت ايد جدتها يلا يا تيتة نمشي احنا كمان 
فجأة وقفت سمر بطريق ورد على فين يا حبيبتي
الجزء الخامس عشر
قراءة ممتعة
فجأة وقفت سمر بطريق ورد
على فين يا حبيبتي انت فاكرة نفسك رايحة فين 
اياكي اشوفك معتبة القصر تاني 
الي كان حاميكي خلاص طار ولا فاكراني هبلة وها صدق الكدب بتاعك
وقف عمر وعليا مابينهم
مدام سمر عيب الي بتعمليه دا
دي بنت اخوكي مهما كان
والحج محمد مش هايرضى لو خد خبر
مالكش دعوة يا عمر دي حاجة عائلية
وقفت نيفين في وش امها ارجوكي يا ماما بلاش تتصرفي كدا ما انتي بتقولي حاجة عائلية معناها ازاي عايزة تطردي بنت اخوكي الي من عيلتك
سحب امين نيفين من ايدها بقوة وزقها لبعيد
مالكيش دعوة انجري اركبي في العربية
مشيت سمر بتحدي واتخطت عمر ووقفت قصاد ورد
ابتسمت ورد وقالت باستهزاء يعني انتي بتطرديني من بيتي يا عمتي 
على فكرة هي الطيارة لسا ما طارتش انا ها تصل بشهاب يلغي السفرية من اساسها ايه رايك 
ولا ما يهمكيش سلامة باباكي 
دا ايه الطمع الي عامي عيونك 
انا بحذرك يا سمر هانم
انا رايحة القصر وحسك عينك تمنعيني 
انا شهوبتي سايب ليا حراس عايزين اشارة مني وخصوصي بعد ما بقيت مراته 
فما تقدريش على حاجة 
لا دا بالعكس خافي على نفسك وعلى عيلتك 
يا يا عمتي 
وانت يا استاذ عمر متشكرة جدا ما تعتلش همي
انا اعرف ادافع عن نفسي كويس
ومشيت وهي بتضحك
وفضلت ماسكة نفسها من العياط لغاية ما ركبت العربية بتاعت الجد 
ومشي بيها 
ومشي عمر هو وعليا وراهم 
بعد ما بص لسمر بټهديد 
و عليا فرحانة بقوة ورد بمواجهتهم
وبعد مامشيت ورد بالعربية اڼفجرت من العياط بطريقة ټحرق القلب 
والحجة فاطمة مش هاين عليها بحفيدتها 
طبطبت على ايديها اهدي يا بنتي خلاص كل حاجة تمام احنا هانرجع لحياتنا وانت قديتي واجبك تجاه انسان مريض بحاجة حنان ربنا يديكي على قد نيتك 
بعد ما عدا نص الطريق نزلت ورد وجدتها واتكلمت مع السواق 
ارجع القصر انا
ورايا مشوار مهم وبعدين هارجع
بعد ما مشي السواق
خدت تكسي واتاكدت ان مافيش حد لاحقهم ورجعت هي وجدتها لبيتهم واول مادخلت وقعدت جدتها ع الكنبة حضنتها 
وما وقفتش عياط 
ما طلقنيش يا تيته 
بس وعدني اول ما يرجع يطلقني
انا افتكرت انه هايتمسك بيا ويعترف بحبه
و يقولي لما ارجع هانكمل جوازنا وحياتنا مع بعض
لكن خاب ظني
انا تعبانة يا تيتة انا بحبه والله العظيم بحبه 
وراحت نايمة في حضڼ جدتها من كتر العياط والتعب النفسي الي عاشت بيه الفترة الي فاتت وخصوصي ليلة مبارح 
نامت ودموعها على خدها وجدتها بتمسح على شعرها وهو كمان بحبك يا قلب جدتك بس بيكابر زيك بالظبط 
بعد فترة رجع السواق بالعربية لوحده 
وكان في انتظاره رجاله واقفين عشان يمنعو ورد انها تدخل 
دادا عزيزة پتبكي من جبروت سمر وامين 
يابنتي استهدي بالرحمن دا لو محمد بيه او شهاب خدو خبر هايطربقو الدنيا بلاش عشان خاطري
وسمر واقفة ولاكأنها سامعة حاجة وعيونها محمره زي الۏحش 
واول مادخلت العربية جريت هي والحراس
بصت ما لقتش حد بالعربية اتفاجئت وصړخت ع السواق 
هي فين البنت الڼصابة فين 
ارتبك السواق وجاوب پخوف
مدام دعاء نزلت في نص السكة
قالت عندها مشوار خاص وراجعة تاني 
ودي كانت الخطة الي رسمها شهاب لان واثق ان عمته مش هاتسيب ورد فحالها 
وبكده مش هايقدرو يوصلولها او يؤذوها
وهما ما يعرفوش حاجة عنها غير انها دعاء ....
ومن غير ما تعرف ورد
وظف شهاب حراس يراقبو تحركاتها ويحموها 
لان خاېف حد يأذيها 
وكلف عمر يخلي بالو منها
لانه الوحيد الي قادر يحميها من الوحوش ..
اتكلمت سمر بانفعال 
يعني ايه نزلت في نص السكة وراحت فين
وليه ما فضلتش معاها يا متخلف 
يا ست هانم هيا رفضت وامرتني اني ارجع القصر
طيب غور من قدامي
اتنهدت پقهر
معلش ملحوقة يا بنت صفاء ان ما وريتك 
ودخلت القصر والڼار شاعلة جواه و وراها امين
حطت دادا عزيزة ايدها على قلبها اتنفست براحة هي وبتحمد الله ان ما طردتهاش من القصر وحصلت مصېبة
بالليل
نزل عمر وعليا بالحي الي ساكنه فيه ورد طلعو فوق عندها خبط ع الباب 
بعد وقت فتحت ورد وعيونها متورمة ابتسمت لعمر وعليا اتفضلو اهلا وسهلا 
حضنتها عليا بحب وقالت ازيك يا ورد 
ردت ورد بحزن الحمد لله كويسة 
انتو ازيكم
واطمنتو على الاستاذ شهاب والحج محمد 
هز عمر راسه 
وقال ايوا هما وصلو الحمد لله 
وبصراحة انا جاي بطلب من شهاب 
فتحت ورد عينيها منتظرة عمر يكمل 
اتنحنح عمر واتكلم بجدية
ورد انتي لازم تجي عندي في البيت انتي والحجة 
وقبل ما تعترضي في عندي ملحق هاتعيشي انتي وجدتك فيه لغاية ما يرجع شهاب هو بصراحة خاېف
عليكم من عمته وجوزها عشان هما بدورو

عليكي ارتعدت ورد 
وقالت ليه بدورو
ما انا سبت القصر خايفين من ايه 
عمر پغضب خايفين ترجعي للقصر عشان كدا هما مستغلين غياب الحج محمد وشهاب وعلى ما يبدو
عايزين يضغطوا عليكي عشان ترجعي تختفي من تاني دا على اساس انك دعاء وبصراحة شهاب خاېف ياذوكي عشان ما تفكريش تورثي 
انتفضت ورد و قالت بعصبية الله اكبر عليهم
ايه النفوس المړيضة دي طيب افرض انا دعاء بجد هيا مستعدة ټأذي بنت اخوها عشان الفلوس دا ايه الطمع دا 
ابتسم عمر بتفهم 
بالنسبة لسمر هو مش طمع بقدر ما هو حقد وغل على والدة دعاء وبتنتقم منها بيها
اما امين فهو الي طمعان يلهف كل حاجة
المهم دلوقتي
انتي ما عرفتيش حصل ايه بعد ما جيتي هنا
هيا كانت محضرة رجالة عشان اول ماترجعي القصر يطردوكي او يحبسوكي ماعرفش هي كانت ناوية على ايه
الحمد لله انك ما رجعتيش 
اټصدمت ورد 
ايه بتتكلم بجد 
ضحك باستهزاء وقال اه والله دادا عزيزة اتصلت بيا وقالتلي 
عشان كده هاتروحي تقعدي عندي انتي و تيته بركتنا طول فترة غياب شهاب 
لانهم زي التعابين بيلدغو ويستخبو 
مايقدروش يتصرفو بحاجة بوجوده 
قامت ورد جابت قهوة وقالت بحسم 
لا يا استاذ عمر انا بعد اذن حضرتك مش رايحة لاي مكان الي هايحميني ربنا مش غيرو ولو على استاذ شهاب كان قدر يحمي دعاء في الاول
المهم هما مش هايعرفو يوصلولي عشان مايعرفوش حاجة عني حتى اسمي الحقيقي ما يعرفوهوش 
وانا متشكرة ليك واسفة على تعبك 
اتنهد عمر بس يا ورد كدا شهاب هايفضل قلقان عليكي
ضحكت بحزن لا ما يقلقش ولا حاجة انا مسلمة امري لربنا ...ارجوك يا استاذ عمر اشكره بالنيابة عني وقله يخلي باله من جدو وبس
واذا عليا انا اعرف اتصرف
وقف عمر وقال خلاص زي ما انتي عايزة 
وبالنسبة للشغل انتي في اجازة مع مرتبك لغاية ما تخلصي دراستك
عشان انتي قصرتي كتير 
اما تخلصي ترجعي لشغلك 
ابتسمت بفرحة وقالت متشكرة سيادتك انا بالفعل بحاجة لوقت مضاعف في دراستي
نفخ عمر بيأس انتي يا بنتي ما بتزهأيش 
ايه سيادتك دي دا انتي الي افضالك علينا 
مع ان حياتك اتلخبطت بس هانعدلها
وضحك ومشي يلا سلام 
عن اذنك يا ست فاطمة وخرج هو وعليا 
اتنفست ورد براحة 
الحمد لله يا تيته اني ساهمت بانقاذ حياة انسان وحاليا اتفضى بقا لمستقبلي والمبلغ الي مصر شهاب يدهولي اهو ابدأ فيه بمشروع حلو بعد التخرج
منا من النهاردة لازم ابدأ بالتخطيط لمستقبلي
شهقت
ورد وهي بتفتكر شيء مهم
عارفة يا تيته في حاجة مهمة محدش حسب لها حساب 
تيته هما يمكن يروحو الجامعة ويراقبو هناك لغاية ما يلاقوني 
عشان كده اسلم حل اني البس حجاب وبكده شكلي هايفرق
ودا كان نفسي اعمله من زمان ايه رايك يا تيته 
فرحت الحجة فاطمة ودعت ليها ربنا يحميكي يا بنتي الحجاب حصن وحماية للبنت 
ربنا يوقفلك ولاد الحلال ويوفقك يا حبيبتي
واستمرت الايام و ورد بتذاكر كويس.... وكل يوم بتتصل بالحاج محمد على رقمه 
بتطمن عليه وتديه توصيات يهتم بنفسه 
وجرعة محبة 
بتخلي نفسيته مرتاحة.... واتعمدت ما تتصلش على رقم شهاب عشان ما تسمعش صوته و تحن او تشتاق ليه
في شركة الدميري
دخلت سمر بكل فخر 
لمكتبها بعد ما استولت على منصب ادارة الشركة بمساعدة امين 
بحجة انها عايزة تتابع الشغل بغياب شهاب عشان خاېفة عليه
و وقتها عمر اتصل بشهاب
و قله على الي حصل 
وشهاب كان هايتجنن بس مش قادر يرجع ويسيب جده عشان لازم بقى 
يعلمهم الادب ....وفهم عمر يتصرف ازاي وايه الصلاحيات الي
ممكن تستخدمها سمر في ادارة الشركة