رواية رائعة بقلم منال

بيئة اتعالت ع اسيادها
فتاة اخرى بس بقى لاحسن بينها خدت بالها
مشرف الرحلة يالا يا شباب الكل يجمع هنا هراجع الأسماء واللي يسمع اسمه يطلع يقعد في الباص deal 
تنوعت ردود الجميع مابين تماااام .. deal ... ماشي ... اوك .. يالا يا برنس
وبالفعل صعد الجميع إلى الباص وانطلق بهم نحو العين السخنة
..............
في تلك الأثناء في سيارة عز حيث كان ينتظر نزول ياسين من منزله كان ياسين يرتدي قميص كاروه أحمر في ابيض ومن أسفله تي شيرت أبيض وشورت بيج وشبشب أسود بينما عز الدين كان يرتدي تي شيرت أبيض وجينز أزرق وضع ياسين حقيبة السفر في شنطة السيارة ثم انطلق ليجلس بجوار عز الدين 
عز يالا يا ياسين اركب بسرعة خلصني
ياسين في ايه يا عم مالك مصحيني من النجمة كده ليه وتقلي جهز نفسك وهات عدة السفر معاك خير
عز وهو يقود السيارة بسرعة رهيبة هفهمك في السكة المهم بس الوقتي نلحقهم
ياسين نلحق مين ماتقولي رايحين فين بدل ما أنت واخدني من الدار للڼار
عز بص الحكاية ومافيها إن ...............................................
..........
نودي

قصة ... دعني أحطم غرورك !!
الحلقة السادسة والعشرون 
انطلق عز الدين بسيارته محاولا اللحاق بالباص المتجه للعين السخنة 
ياسين بص كده مش هو ده الباص
عز ايوووه هو
ياسين طب دوس بنزين أكتر عشان تلحقه!
عز بنرفزة ده ع اساس اني ماشي ع قشر بيض
ياسين مش وقت تنكيت !!
بدأ عز الدين يضغط على بوق السيارة الكلاكس بشدة لكي ينتبه سائق الباص إليه خاصة حينما أصبحت المسافة بين السيارتين قريبة
في تلك الأثناء كانت جانا تغفو قليلا وتضع في أذنها سماعات الهاتف وتستمع لبعض الأغاني... بينما دينا تتصفح الانترنت
لاحظ سائق الباص ان هناك سيارة تتبعه وتحاول ان تلحقه او
ربما تتجاوزه
السائق لنفسه ممممم بقى شوية العيال الهفأ دول عاوزين يعدوك يا سيد طب والله لأسد عليهم المياه والهوا
ياسين ملوحا لسائق الباص بيده اقف يا عم يااااااا حاج .. دوس كلاكس تاني يمكن الحاج سمعه تقيل!!
عز كله ده ومش شايفنا.
ياسين الظاهر ان الحاج مفكر اننا بنعاكسه.
عز بص بص ده بيزود السرعة لأ وبيقفل كمان علينا
ياسين الحاج مفكر نفسه فان ديزل في Fast Furious .... خلاص يااااااااااااااااا حاج عرفنا انك سايق دبابة ... ياااااااااااااا حااااااج
قرر عز أن يزيد من سرعة سيارته ليتجاوز الباص وبطريقة احترافية نجح بالفعل في تجاوزه ثم قام بتهدئة السرعة تدريجيا
كي يجبر سائق الباص على الوقوف
عز وهو ينزل من سيارته ايه يا عم انت كل ده مش شايفنا
مشرف الباص في ايه يا كابتن بتقف قصدنا ليه
عم سيد السائق لأ شايفك ومكونتش هعديك أصلا!!!
ياسين متدخلا في الحوار لا مؤاخذة يا حاج أصل احنا عاوزين ناس حبايبنا هنا معاكو في الرحلة فكنا بس عاوزين نلحقهم
مشرف الباص حضرتك مينفعش الكلام ده في اشراف ومسؤلية هي مش فوضى يا كابتن
عز لأ معلش انا عاوز مراتي واختها هما معاكو هنا في الرحلة !!
مشرف الباص احنا مالناش دعوة بالكلام ده دي رحلة وفيها عدد واحنا ورانا بروجرام وملتزمين بتنفيذه ..
عز بنرفزة بقولك مراتي ايه مسمعتش طلعت الرحلة من غير موافقتي وانا عاوزها!!
مشرف الباص بقول حضرتك ايه احنا مالناش دعوة بالخلافات الأسرية دي وبالذوق كده اتفضل امشي
عز ولو مامشيتش هتعمل ايه 
ياسين اهدى كده يا عز يا كابتن بيقولك مراته واختها في الباص هيكلمها بس وأظن حضرتك راجل وميرضكش ان مراتك تخرج من غير اذن جوزها فمابالك انها تسافر أصلا
عم سيد السائق البيه عنده حق يا اووستاذ وليد خليه يشوف مراته
في نفس الوقت حينما توقف الباص
أحد الأشخاص هو الباص وقف ليه
شخص أخر مش عارف بص كده وشوف وقولنا
دينا جانا الباص وقف!
جانا هو احنا لحقنا نوصل
دينا معتقدش د احنا مكملناش half an hour ع الطريق
جانا يمكن في مشكلة ولا حاجة .. الوقتي هيبان
صعد عز الدين إلى الباص وظل يبحث ببصره عن
جانا التي كانت تجلس في الخلف
دينا بصي بصي يا جانا !!!
جانا وهي مغمضة لعيونها في ايه تاني يا دينا سيبيني أنام شوية لحد ما نوصل طول الليل مزهقاني ومخلتنيش اعرف انام عدل !
دينا بصي عز عز هنا!!!
جانا بعدم اهتمام وده ايه اللي هيجيبوا هنا !!
عز لجانا أهلا دينا يالا يا جانا قومي معايا
دينا هاي عز
جانا پصدمة عز ايه اللي جابك هنا واقوم معاك اروح فين
عز ساحبا جانا من ذراعها هتيجي معايا نروح السخنة ماهو مش معقول تسيبي جوزك يروح لوحده في عربيته وانتي في الباص مع ناس كمان غرب
جانا وهي تبعد ذراعها منه وبتحدي ايه الكلام الفاضي اللي انت بتقوله ده انا مش جاية معاك في حتة!
عز جانا متفرجيش الناس علينا هتيجي معايا بالذوق ولا اخدك عافية
جانا هي مش فتونة كل شوية عافية عافية ابعد بقى عني وسيبني في حالي
عز بضيق جانا متنرفزنيش اتفضلي قدامي !!!!
وهنا تدخل احد الأشخاص ويدعى رامي في الحوار
رامي جري ايه يا كابتن بتضايق الأنسة ليه
عز آنسة لأ دي المدام حضرتك!! وبعدين انت مالك متدخلش في اللي ملكش فيه
رامي حتى لو المدام يأخي متكلمهاش كده!
عز لجانا عاجبك كده يا مدام مبسوطة خليتي اللي يسوى واللي ميسواش يدخل في اللي مالوش فيه
رامي ماتحترم نفسك يا اخ انت ولا الظاهر انك عاوز تتربى
عز بضيق تصدق انت صح أصل أنا بقول شكل للبيع ... بوووووووووووووم
قام عز الدين بلكم رامي لكمة قوية في وجهه ثم سحب جانا بشدة من يدها
عز حد عاوز يتخانق تاني
جانا سيب ايدي يا عز مش هاجي معاك ليه مش بتفهم سيب ايدي بقولك!!!
عز مبدهاش بقى استعنى ع الشقا بالله
جانا آاااااااااااااه نفوووخي.. انت بتعمل ايه نزلنييييي نزلنيييي !!
عز بحدة يالا يا دينا هتيجي معانا انتي كمان ولا عاوزاني اشيلك 
دينا پخوف No no. I am coming with you
وبالفعل اخذ عز الدين جانا ودينا من الباص وسط دهشات الجميع ولم يجرؤ أحد على الاقتراب من الفتيات أو حتى التفكير في مساعدتهن
ياسين ايه اللي انت عملته ده 
عز افتح باب العربية وهات شنط الهوانم من الباص
ياسين

حاضر حاضر بس متشخطش فيا
جانا ارحمني بقى وسيبني
عز ده بعدك
ادخل عز الدين جانا في السيارة وتحديدا في المقعد الخلفي وجلس بجوارها ظلت ټقاومه فقيد يديها بيديه
في نفس الوقت ذهب ياسين ليحضر الحقائب من الباص ووجد دينا واقفة وقد احضرتهم بالفعل
ياسين بفرحة كبيرة ايووووه بقى خليها تطرى كده وتحلو
دينا أفندم
ياسين مافيش بغني ايوووه بقى والجيبة ضيقة
دينا ايه 
ياسين عنك يا جمييييل الشنط
دينا ليه ان شاء الله
عز مناديا لياسين بحدة انت يا زفت اخلللللص !!
ياسين وهو يحدق في دينا طيب ياباي هخلص بس من غير شتيمة
عز انت لسه هتتنحنح .. يالا يا دينا اطلعى العربية
جانا بصړيخ اجرررري يا دينا اطلبي البوليس
عز مكمما فم جانا متطلبيش حد انجزي انتي كمان في يومك
جانا مممممممممم..... ممممممم....
ياسين يالا يا آنسة ده صاحبي وانا عارفه ممكن في لحظة يدفنا واحنا واقفين.
دينا OMG !!!!
ياسين بهزار لأ مش وقت صويت وولولة و OMG وجو الأفلام الأجنبي ده
دينا اهااا ..
ركبت دينا السيارة في المقعد الأمامي بجوار ياسين الذي تولى القيادة
ياسين وربنا دي بينها هتبقى سفرية لوز اللوز وفاتحة خير إن شاء الله علينا كلنا !
دينا مبتسمة اها..
ياسين اموووووووووت أنا
عز اخلص يا روميووو
واطلع بينا ع الساحل
جانا مممممممم...... ممممممممم.....
دينا ايه ده هو احنا مش هنروح السخنة
ياسين لأ يا قمر شوف انتي عاوزة تروحي فين وأنا أوديكي ع رموووش عينيا.
عز ماتحترم نفسك يا ياسين راعينا شوية يا اخي دي زي اختك ياعم !!
ياسين اختك انت لكن أنا لأ ياباي يرضيكي كده دايما مكسر في مأديفي .. هااااح
وبالفعل انطلق الأربعة إلى الساحل الشمالي حيث ستتطور الأحداث هناك .....
..................
نودي قصة ... دعني أحطم غرورك !!
الحلقة السابعة والعشرون 
بعد رحلة استغرقت ما يقرب من اربع ساعات وصلوا الى الساحل الشمالي وتحديدا عند الشاليه الذي تملكه عائلة يوسف الكيلاني نزل عز الدين ودينا وياسين من السيارة بينما ظلت جانا بداخلها 
ياسين حمدلله ع السلامة والله المكان نور.
دينا ميرسي
عز يالا يا جانا انزلي وصلنا
جانا بضيق مش نازلة هو انت ايه فاكرني شوال بطاطس هووب تشيله تحطه هنا وهووب تشيله توديه هنا
عز يعني يا هانم عاوزة تغيري جو لوحدك من غير موافقة جوزك
جانا بحدة هو احنا اتجوزنا أصلا ده كلام ع الورق اتفاق ولا نسيت
عز بعصبية لأ مانسيتش وفي ايدي الوقتي اخليه حقيقي وبجد
ياسين مقاطعا ايه يا جماعة صلوا ع النبي كده احنا جايين نغير جو مش نتخانق ولا انتي رأيك ايه يا آنسة
دينا انت بتكلمني 
ياسين آاااااااااااه
عز عليه الصلاة والسلام انزلي يا جانا الله يهديكي
دينا يالا بقى يا جوجو
بليز انا تعبانة وعاوزة ارتاح
وبالفعل نزلت جانا من السيارة وظلت تزفر في ضيق من تصرف عز الدين
معها
عز بصوا بقى احنا اخدين 2 شاليه جمب بعض واحد هتقعدي فيه يا جانا انتي ودينا والتاني أنا والأخ ياسين هنقعد فيه لحد ما يحصلنا بقية العيلتين .. هما هيوصلوا بالكتير بكرة الصبح
جانا هات المفتاح
عز اتفضلي أحاجة
ياسين وهو ينظر لدينا انا في الشاليه ده لو احتاجتي حاجة قصدي احتاجتوا حاجة .. رنة بس وهتلاقيني هوووب فوق دماغك قصدي عندك .. يووووه عندكم انتي قولتيلي رقمك كاااام 
عز يالا يا عم الحبيب خلينا نسيبهم يرتاحوا
دينا Lets go Jana يالا ننام شوية
وبالفعل ذهب الجميع إلى داخل الشاليهات ليرتاحوا قليلا قبل أن ينطلقوا ...
دينا هاه يا جوجو هنروح البلاج امتى 
جانا شوية كده
دينا انا زهقت بقى مش هنفضل مقضيين اليوم كله كده inside here انا عاوزة أنطلق
جانا عاوزة تنطلقي ولا عاوزة تشوفي الأخ اللي مع عز
دينا هااااه قصدك ياسين
جانا ماشاء الله وكمان فاكرة اسمه
دينا يوووه يا جانا بصي اصحي براحتك انا هروح اتمشى شوية ع البلاج
جانا اوك وانا شويه وهحصلك .. هلبس المايوه وأظبط نفسي وأجيلك
دينا اوك dont be late .. باي
........
وبالفعل خرجت دينا لتتمشى قليلا على رمال الساحل الذهبية وقابلت عز في طريقها
عز دينا ياااااا دينا !
دينا ييس عز
عز على فين كده وفين جانا
دينا مافيش أنا زهقانة فقولت اتمشى شوية لحد ما تجهز جانا وتحصلني.
عز ده انا كنت جايب الغدا عشان نتجمع ونتغدى كلنا مع بعض.
دينا اوك .. خلاص انا هنتظركم هنا ..
وبالفعل جلست دينا على الشاطيء ف انتظار أن يحضر الجميع لتناول الغذاء وقد لمحها ياسين من شباك حجرته فقفز من النافذة لكي يسرع ويجلس بجوارها فاصطدم بعز في طريقه
عز ايه يا عم مش تفتح كده واخد في وشك وبتشووط في اللي قدامك!!
ياسين اوعى بس روح شوف مراتك وفكك من ياسين دلوقتي واللي جابوه !!
ذهب عز