تمرد عاشقه ياسمين الهجرسي

اذنى ومن يفعل ذلك يعرض نفسه للمسأله القانونيه
أشعة الشمس وعزف العصافير وصوت أوراق الشجر عبثه وهمساته لها التي كانت أكثر جنونا يعبر لها عن مدى عشقه كانت ليلة مليئة بالمشاعر والأشواق الجامحة لكليهما ابتعدت عنه ودلفت إلى غرفة الحمام لتنعم باستحمام دافئ 
استيقظ عمير نظرت إليه بعد خروجها من الحمام وهي تقول بنعومة أنثى عاشقة
صباح الخير يا حبيبي 
ابتسم لها بجاذبية رجولية
صباح النور هي الساعة كام دلوقتي نظرت في هاتفها وهي تجفف شعرها أمام المرآة
الساعة واحدة الظهر 
نهض من مكانه بتكاسل وتطلع عليها وجدها منشغلة أمام المرآة ناداها بخشونة حادة
فيروز تعالي هنا أدامي 
نظرت إليه فيروز بحيرة وسائلة بتردد رفع حاجيبيه ورد عليها بصرامة
لما تيجي أدامي هتعرفي 
اتجهت نحوه ووقفت أمامه بريبة وهي تطرح ذات السؤال
في إيه مالك يا عمير
إنتي إزاي تقومي من جمبي قبل ما أصحى 
ضحكت بذهول من تصرفه وقالت
أنا كان هاين عليا أطلع مخي وأعصره عصر عشان أعرف أنت بتبصلي كدة ليه على الصبح بس على العموم خد قبلته على جبينه برقة 
نظر إليها بعدم رضا
إيه ده إنتي بتبوسي ابنك البوس مش كدة 
مليش دعوة لازم أعمل تمارين الصباح 
ضحكت فيروز و نظرت إليه باندهاش
مش كفاية مشبعتش من تمارين إمبارح خاېفة عليك نفسك يتقطع 
رد عليها بثقة وابتسامة
متقلقيش يا روح قلبي أنا التمارين دي بتزيدني قوة وقبل أن ترد عليه
أما في أرض الأفكار النيرة ألمانيا
كانت إلهام تجري وراء أولادها لكي تطعمهم وتضحك عليها والدتها وزوجها من منظرها تحدث ماجد وهو يجلس أمام الحاسوب النقال
معقول دي أمهم !
وابتسم باندهاش
لو حد شافها مش هيعرفها من عيالها شكلك ضحكت عليا يا حماتي وجوزتيني عيلة 
قالت سميحة وهي تقلب في التلفاز وتضحك
أنا جوزتك ست البنات بس مش مسؤولة عن اللي ممكن يحصلك لو سمعتك 
اقتربت منهم وهي تتنفس بصوت عال وتضع يدها على موضع قلبها
أنا تعبت من عيالك شوفلك صرفة فيهم 
وضع يده على كتفها
وأنا أعملك إيه حد قالك تخلفي ثلاثة عيال في بطن واحدة وتفضلي تجري وراهم وأنا خلاص كدة ھموت وتجري ورايا وقرصها من وجنتيها 
نظرت إليه پصدمة وهي لا تصدق المعني من كلامه
لسة عاوزني أجري وراك يا ماجد 
امتزجت ضحكتها مع صوت بكائها وابتعدت عن أحضانه
هو أنا يعني كان بإيدي أخلف ثلاثة ما هو دكتور الأنابيب صاحبك ده هو السبب بعد ربنا طبعا بس بجد أنا تعبت وشكلي مش هناقش الدكتوراه السنة دي كمان 
نظر إليها بحب وأرجع خصلات شعرها وراء أذنها
لا يا حبيبتي هتناقشي الدكتواره واتحدد ميعادها كمان شهرين وبعدين الدكتور كان لازم يعمل حسابه في أكثر من جنين والحمد لله الأولاد زي الفل أنا كنت بهزر معاكي وأنا وماما سميحة هنفضل جنبك وفيه مربية هتيجي تقعد مع الأولاد من بكرة وإياكي تقولي دي ألمانية وشقرة وهتاخدك مني إنسي أنا ميملاش عيني غيرك وهساعدك في المذاكرة مش كدة يا ماما وليكي عندي مفاجأة هننزل مصر خلاص وهنستقر فيها كفاية غربة بقى 
ردت عليه سميحة بسعادة
ربنا يكرمك يا رب على قد ما بتكرم بنتي 
ضمته إلهام وهمست في أذنه
أنا بعشق أمك 
بتعشقي أمي استحملي بقى 
وحملها تحت أنظار أمها المندهشة من تصرفات ابنتها هي تعلم أنها شقية لكن ليست مچنونة بزوجها لهذه الدرجة حملها ماجد ونظر إلى حماته
لازم أرد كرامتي ده غير أنها شغالة من الصبح حركات إغراء قولي ساعتين تلاتة عشرة خلي بالك من نفسك أصل ولادها يكلوكي 
تزمرت إلهام وهي تقول
ليه هم ولادك كلاب 
وبدأت تدفعه
نزلني وبدأت تتحرك لكي ينزلها 
متزعليش ولادك أسود وأنا ربنا يعيني على أمهم وضحك بصوت عال وأخذها وذهب 
ضحكت عليهم سميحة باستغراب
وأنا اللي بقول بنتي مچنونة ده ماجد أجن منها ربنا يسعدكم يا أولاد وذهبت إلى غرفة الأولاد .
في عروس البحر المتوسط
شقة وليد
كانت تجلس على الفراش تدخن سجائر وهي تنظر إلى جسده الرياضيكان يقف أمام المرآة يرتدي ملابسه ويتابعها شعر أنها تريد أن تتحدث لكنها مترددة قال
مالك يا أميرة حاسك عايزة تقولي حاجة 
بلعت أميرة ريقها بتوتر وهي تخاف من رد فعل وليد فهي تعلم مركزه وقوته لكنها عزمت على التحدث
أنا عايزاك أنت يا وليد أنا محتاجاك تفضل معايا ليه عايز تمشي 
اقترب منها وليد وهو يبتسم بحنان
وأنا عمري ما تأخرت عليكي لما إنتي بتتصلي عليا مش بتلاقيني وجلس بحوارها وأكمل بحب
بس ليه أنا حاسس إنك مش مظبوطة 
تحدثت أميرة وهي تقترب منه
خاېفة من طارق ومش حابة إني أرجع أعيش معاه ولا عايزة راجل غيرك يلمسني أنا بقالي سنة محدش غيرك قرب مني بس أنا مبقتش قادرة أشوفه وليد أنا بحس بالأمان معاك جدا وياريت تحميني 
تحدث وليد بثقة من قوته ونفوذه
أنا ممكن أمحيه من على وش الأرض خالص ولو تحبي أخليه يبوس جزمتك عشان ترحميه إنتي عارفة إني أقدر أعملها وعارفة معزتك عندي ولو كنت قابلتك في ظروف ثانية كنت أتجوزتك 
واستقام وتركها وذهب ليكمل ملابسه تحت أنظار أميرة التي يكسوها العشق كانت المفضلة عند وليد كان يمنحها الحب والحنان والحماية كانت تشعر معه بمشاعر لم تشعر بها من قبل وضعت يدها بين كفيه
وظلت تبكي بانتحاب
قالت أميرة بتردد
وارتباك ودموعها لا تتوقف
وليد هو أنا ممكن أعيش هنا في الشقة دي وأبقى ليك لوحدك 
نظر إليها وليد بتردد فهو يعلم تاريخها فقد قصت له كل شيء مرت به في حياتها رد عليها 
بس أنا مش عميرساعتها أنا ھقتلك ومش هخلي الدبان الأزرق يعرف ليكي مكان ده أول وآخر تحذير هيبقى فيه قواعد هتمشي عليها
هقولهالك وهنتظر منك مكالمة لو وافقتي عليها يبقى تمام رفضتيها مش عايز أشوف وشك 
كانت تتنفس بصعوبة بعد أن ترك يده وابتعد عنها وجلس إلى المقعد يرتدي الحذاء أخذت نفسا عميقا وجلست تحت قدميه تعقد له رباط حذائه 
هل يعقل أن هذه أميرة وهل يغير العشق صاحبه 
أنا موافقة من غير ما أعرف إيه الشروط بس خليني جنبك أنت عارف إني معايا فلوس أشتري فيلا وأقعد فيها وأصرف على نفسي بس أنا خاېفة من طارق وبلعت ريقها بتوتر ونظرت إليه بحرج وأكملت
الرجالة اللي كنت أعرفهم محدش هيرضى يسبني في حالي ومن يوم ما تعرفت عليك من سنة وأنت عارف إني مخرجتش مع حد غيرك مش هيسبوني في حالي 
رفعها من ذقنها پعنف وأجلسها على فخذه وهو يقول
تعرفي يا أميرة بعد ما عرفت اللي أنت عملتيه في عمير رغم إني معرفوش معرفة شخصية بس بحس إني عايز أشرب من دمك بس لما قربت منك وعرفت إن طارق استغل نقطة ضعفك بلتمس لك العذر عشان أرحمك من ڼار ڠضبي عليكي بس برجع ألوم نفسي على تفكيري لأن الخېانة ملهاش عذر بس برجع أحن ليكي تاني يمكن عشان برتاح معاكي خلينا في المهم أقولك القواعد اللي تمشي عليها أول حاجة هتنسي حياتك و طارق نهائي ومش هتخرجي من باب الشقة دي وهجبلك واحدة تشوف طلباتك وفيه حارس هيقف على الباب يحرسك وهتروحي للدكتور عشان تتعالجي عشان يبقى الموضوع طبيعي عشان أنا مش كل يوم هبقى معاكي يعني جملة محتاجة راجل دي مش عايز أسمعها يعني من الآخر هتبقي زي ما أنا عايز موافقة على الشروط دي ولا لأ
خرج من الغرفة وخرجت وراءه وأمسكت ذراعه
أنا موافقة من غير ما أفكر حتى لو فضلت بالأسبوع مش هشوفك هفضل منتظراك موافقة وتعلقت في
رقبته 
ابتسم بحب
هبعتلك راجل من
رجالتي جيبي كل اللي ناقصك وفون وخط جديد أعرف إنك مسمعتيش الكلام وخالفتي تعليماتي هتبقى حياتك هي الثمن يا مرمر 
هزت رأسها بالموافقة وخرج ونظر إليها 
الكلام يتسمع ده آخر إنذار وأهلا بك في چحيم وليد الأنصاري 
وليد
يتبع 
تمرد عاشقه ج
فيروز حطمت حصون قلب القاسى ج
ياسمين الهجرسي
الحلقه الحادية عشر
تمرد_عاشقه_ج 
فيروز_حطمت_حصون_قلب_القاسى_ج
ياسمين_الهجرسي
سبحان الله وبحمده سبحان الله العظيم 
اڼصدمت عندما شاهدت طارق حاولت أن تغلق الباب لكنه هو الأقوى دفعها داخله وأغلق وراءه وأمسكها من شعرها وهو يهتف بعصبية وصوت عالي
كنت فاكرة إنك تقدري تهربي مني ومش هعرف طريقك. ودفعها وقعت على الأرض وضربها بقدميه في

بطنهاوهو يقول
إنتي فاكرة نفسك حرة إنتي كلك ملكي أنا اللي لميتك من الشارع وعملتك بني آدمة بعد ما أمك رمتك في الشارع وخاڤت على جوزها منك دلوقتي بعد ما خسړت كل حاجة بسببك عايزة تسيبيني وجذبها من شعرها أوقفها واقترب من أذنها
إنتي تكلمي المغفل اللي كان معاكي وتقوليله إن عندك حفلة النهاردة وإياكي متجيش.
وألقى في وجهها ورقة العنوان وهم بالخروج.
مسحت دموعها وتكلمت بثقة زائفة
أنا مش هروح في أي مكانوكفاية اللي كسبته من ورايا السنين اللي فاتت دي تقدر تأسس شركة ترجع السوق تاني.
نظر إليها وتحدث
إفرضي إني عملت زي ما بتقولي هتفضلي الكلب الوفي لصاحبه ومش هتعضي الإيد اللي اتمدت له. وضحك بسخرية
ده إنتي بقيتي من أشهر فتيات الليل وبقى عليكي الطلب بتكيفيهم ولو مسمعتيش الكلام هنزل فيديوهاتك على المواقع الإباحية وصدقيني هتجيبيلي فلوس كتير أوي. قدامك حلين يا تقتلي نفسك يا تقضي اللي باقي من عمرك في السچن فكري وبلغيني يا حلوة.
نظرت إليه باشمئزاز
بس الأفضل لك متعرفش مين هو أصل لو عرف إنك بس دخلت هنا يمكن يطير رقبتك الحلوة دي ولما أنت متعرفش هو مين جيت هنا إزاي
تذكرت صديقتها التي أوصلتها بسيارتها وقالت
خلاص عرفت أكيد مروة هي اللي قالتلك نصيحة مني إبعد عن طريقي عشان أنت مش قده في لحظة ممكن يمحي وجودك من الدنيا.
نظر إليها بثبات عكس ما بداخله فهو الآن تأكد أن أميرة على علاقة بشخصية قوية قادرة على حمايتها لكنها مجهولة الهوية بالنسبة له قطع تفكيره طرقات على الباب وأشار لها أن تفتح مسحت دموعها واقتربت من الباب وحاولت أن ترسم ابتسامة خرجت مهزوزة وقالت
نعم.
تحدث رجل وهو ينظر إلى الأرض
الباشا بعت لحضرتك الكريدت دي وبيقولك اشتري كل اللي تحتاجيه ومتخرجيش إلا بأمر منه وأنا في انتظار حضرتك لحد ما تجهزي.
تحدثت بتلعثم
ثواني أجيب شنطتي جاية معاك.
شعر الحارس بارتبكها وبكائها الظاهر عليها نظر من فتحة الباب لمح طارق وراءه أخرج هاتفه وبعث رسالة إلى ولید خرجت أميرة وتعمدت أن تترك الباب مفتوحا لكي يخرج طارق.
خرج طارق بعدهم بدقائق وهو يتوعد ل أميرة كيف يرجعها لتبقى تحت طوعه من جديد وتنفذ كل أوامره ومن هذا الرجل الذي يقف بجانبها ظل يفكر وهو يقود سيارته بعصبية وجنون.
قصر العائلة
كانت الحاجة سيدة مع زوجها أحمد وابنها يوسف ورأت زوجها شارد الذهن هتفت بقلق
مالك يا أحمد ساكت ليه فيه حاجة حصلت
نظر إلى يوسف بريبة من رد فعل أمه عندما يخبرها سبب شروده لأنه يعلم رد فعلها عندما يتم إخبارها
محمود قال إن فادية محتاجة عملية عند دكتور في إنجلترا وهي مش راضية